بلرام پور کے پچ پیڑوا میں ٹرین ٹھہراؤ کی مانگ کو لے کرمظاہرہ کرنے والوں پر لاٹھی چارج

بلرام پور۔ اترپردیش میں بلرام پور ضلع کے پچ پیڑوا میں ریلوے اسٹیشن پر انٹرسٹی اور دیگر ایکسپریس ٹرینوں کے رکنے کی مانگ کو لے کر ٹرین روک کر مظاہرہ کر رہے لوگوں پر پولیس نے لاٹھی چارج کیا اور آٹھ افراد کو حراست میں لے لیا۔ پولیس ذرائع نے آج یہاں بتایا کہ پچ پیڑوا علاقے میں اسٹیشن پر ایکسپریس اور انٹرسٹی کے پڑاؤ کی مانگ کو لے کر مظاہرین نے ریلوے



پھاٹک کے پاس کل شام گورکھپور سے گونڈا جا نے والی پسنجر ٹرین روکنے کی کوشش کی۔ اس دوران وہاں پولیس پہنچ گئی اور مظاہرین کی پولیس کے ساتھ جھڑپ میں ان لوگوں نے پتھراؤ کیا اور بھیڑ ریل کی پٹری پر آ گئی۔ وہاں سے لوگوں کو ہٹانے کیلئے ریلوے سیکورٹی فورس کے جوانوں نے لاٹھی چارج کیا۔ اس واقعہ میں چند لوگوں کو معمولی چوٹیں بھی آئیں اور آٹھ افراد کو حراست میں لے لیا گیا۔